Një bisht kaçurrel doli nga foleja e kutisë postare dhe këmbët rozë të prera ishin shtrirë në kutinë e qumështit: 31-vjeçari E.T gjeti pjesë të kufomës së një derri në kutitë postare të prindërve të tij!
Autorët e panjohur i lanë ato në një ndërtesë apartamentesh në Cyrih, Zvicër, dhe ngjarja fatkeqe e 9 tetorit sapo doli në dritë. Ky nuk është vandalizëm i zakonshëm sepse provokatorët kanë në shënjestër anëtarët e një familjeje turke të fesë islame.
“Unë jam i zemëruar me personin që e bëri këtë dhe jam zhgënjyer në një shoqëri që pretendon se racizmi nuk ekziston. Ky është një sulm ndaj lirisë së fesë sepse ne jemi myslimanë dhe nëna mban shami”, tha djali i familjes, i cili, i nxitur me sa duket nga ngjarjet e fundit, vendosi ta bënte historinë publike.
Ky nuk është incidenti i parë i këtij lloji: Në të kaluarën, familja gjeti rroba të vjetra, këpucë të ndyra, madje edhe çanta me jashtëqitje qeni në kutinë postare.
“Në fillim menduam se ishin shaka të mbrapshta nga fëmijë ose adoleshentë, por mbetjet e derrit e mbushën kupën. Ndaj, menjëherë informova policinë,” tha E.T.
Por një oficer policie që mbërriti në vendin e ngjarjes i tha atij se nuk mund të ngrinte një padi. Arsyeja: Djali nuk është anëtar i familjes së përbashkët, shpjegoi policia.
“Unë ende shpresoj që policia së shpejti do të hetojë dhe kapë autorin ose autorët. Unë kujdesem për familjen, veçanërisht kur nëna është vetëm,” tha E.T. /tesheshi.com/
