Zv.ambasadorja e SHBA-ve në Kosovë, Colleen Hyland ka vizituar xhaminë “Pavarësia” në “Kodrën e Trimave” në Prishtinë me ç’rast ka biseduar me një grup besimtarësh të atyshëm për të drejtat e njeriut si dhe për rolin e komunitetit musliman në ndërtimin e Kosovës.
Këtë e ka bërë të ditur imami i kësaj xhamie, Hoxha Nexhmi, i cili ka falënderuar diplomaten amerikane në emër të të gjithë xhematit dhe po ashtu banorëve të asaj lagjeje, që ka zgjedhur xhaminë e tyre për bashkëbisedime të tilla.
“Përmes saj ne përcjellim falënderimet tona për popullin amerikan për ndihmën që ka dhënë dhe po vazhdon të jap për popullin e Kosovës. Muhamedi a.s. në një thënie profetike ka thënë: ‘Ai i cili nuk i falënderon njerëzit, nuk e ka falënderuar Allahun’”, ka shkruar imami në Facebook. /tesheshi.com/
