Të zgjedhësh “dadada” si fjalëkalim nuk ka qenë aspak një ide e mirë. Mark Zuckerberg, pasi ka qenë viktimë e një sulmi nga hackera të ndryshëm pak ditë më parë, tashmë është bërë shumë i fiksuar pas privatësisë.
Këtë gjë e tregon edhe postimi i bërë nga “babai” i Facebook, i cili donte të festonte me rastin e 500 milion përdoruesve aktivë gjatë një muaji në Instagram, por në fotografi ka dy elementë shumë të veçantë, të cilët nuk iu kanë shpëtuar syve të personave më të kujdesshëm.
Nëse përqendroheni në Macbook-un që është pas shpinës së Zuckerberg, mund të vini re se ka një nastro të vendosur si në pjesën e kamerës edhe në dalje të mikrofonit të zërit.
Me sa duket, pas sulmit të hackerave, ish studenti i Harvard ka vendosur të marrë çdo masë sigurie të mundshme për të ruajtur fjalëkalimet e tij. /tesheshi.com/
