Për të katërten here më rradhë që nga rikthimi në Serie A, “Zonja e vjetër” nga Torino ngrit mbi super titullin e kampionatit Italian. Për të 31-tën here në histori, Juventus feston përballë Sampdorias të cilën e mposhti minimalisht sa për të mjaftuar të siguruar edhe matematikisht titullin e kampionit kur kanë mbetur edhe katër xhiro deri në fundin e sezonit të rregullt.
Një Scudetto e fituar me një lehtësi të jashtëzakonshme kjo falë edhe Massimiliano Allegrit trajnerit që u bashkua me torinezët në fillim të sezonit dhe solli në skuadër frymën e duhur për të fituar sërish. 79 pikë në 34 javë dhe pavarësisht se kanë mbetur edhe 4 ndeshje nga fundi i sezonit Juventusi është matematikisht kampion i Italisë.
Statistikat e këtij viti nuk janë të njëjta me ato të sezonit të kaluar por Juventusi i Allegrit në ndryshim nga ai i Contes, vërtetë që nuk ka arritur të njëjtën kuotë pikësh por përvec se ka fituar kampionatin është në garë edhe në Champions League dhe Kupën e Italisë. 64 janë golat e shënuar dhe 19 ata pësuar deri në javën e 34-t, bardhezinjtë janë sërish sulmi më i mirë dhe mbrojtja më e mirë e Serisë A, dhe nëse vazhdon me këto ritme Juventusi vështirë se do të ketë rivalë edhe sezonin e ardhshëm ku do të synojë të përsërisë, ecurinë e viteve 1930-1935 periudhë në të cilën bardhezinjtë fituan 5 tituj kampion radhazi. /tesheshi.com/
