Zjarri në një shtëpizë fshati në Bokë të Gjakovës ka pasur pasojë fatale për një grua. Shtëpiza e pushimeve prej drurit, ndryshe vikendica, është përfshirë nga flakët, ku tymi ka bërë që e ndjera të humbë jetën nga asfiksia.
Zjarri që përfshiu shtëpinë mbrëmë rreth orës 10 është neutralizuar nga ekipet e zjarrfikësve, por në momentet e arritjes së tyre, gruaja veçse kishte ndërruar jetë.
Viktima është shtetase shqiptare, ndërsa identiteti apo mosha e saj nuk është bërë e ditur nga autoritetet. /tesheshi.com/
