Mediat britanike bëjnë të ditur se të paktën 58 persona që konsiderohen të humbur dyshohet të kenë vdekur nga zjarri masiv që përfshiu ndërtesën Grenfell Toëer në perëndim të Londrës.
Sipas BBC, komandanti i policisë Stuart Cundy mësohët të këtë deklaruar se se numri mund të ritet, dhe në total mund të jenë rreth 70 viktima.
Operacionet e rekuperimit në godinën e shkrumbuar, që ishin ndërprerë përkohësisht për arsye sigurie, kanë rifilluar dhe sipas zyrtarit të lartë, mund të zgjasin disa javë.
Disa banorë që arritën të shpëtonin reaguan ashpër ndaj operacioneve, duke i cilësuar ato si “shumë kaotike”.
Nga ana e tij, komandant Cundy i bëri thirrje kujtdo që ka arritur të shpëtojë që të njoftojë autoritetet që tashmë ndodhen në një vend të sigurtë.
Lidhur me operacionet, ai tha: “Sapo të mundemi do të rekuperojmë trupat dhe do të njoftojmë të dashurit e tyre”.
Në ndërtesën Grenfell Toëer ku 4 katet e para janë zyra dhe ambiente të përbashkëta parashikohet se në pjesën tjetër prej 20 katesh jetonin 400 deri në 600 persona.
Pavarësisht se dëshmitarët kanë njoftuar se zjarri ka nisur si pasojë e shpërthimit të një frigoriferi në katin e katërt, ende në lidhje me këtë çështje nuk është bërë një deklaratë zyrtare./tesheshi.com/
