Zjarri që zgjoi dhe me britma “Astirin” orët e natës, duket se nuk ka qenë aksidental.
Flakët u ngjitën lart nga garazhi, ku disa makina u përfshinë nga flakët, duke rrezikuar më pas jetën e banorëve.
Nga investigimet e para është mësuar se një prej automjeteve të djegura, prej ng aka nisur dhe zjarri, është në pronësi të vëllait të biznesmenit dhe ndërtuesit Sino Llanaj, Dritan Llanaj.
Sino Llanaj u plagos me armë zjarri më 13 janar të vitit 2021, pas konflikteve të vazhdueshme me biznesmenin Albert Allmuça, të dy ortakë në fushën e ndërtimit.
Ata u konfliktuan për një kompleks pallatesh në rrugën “Ndre Mjeda” në Tiranë.
Asokohe, Llanaj dhe disa banorë të pallatit që kishin dhënë parapagim tentuan të futeshin në objektin në ndërtim e sipër, por u përballën me truprojat e Albert Allmuçës, të cilët rrahën biznesmenin Sino Llanaj.
Në lidhje me këtë konflikt, më 16 janar 2021, gjykata dha masën e sigurisë “arrest shtëpie” për biznesmenët Albert Allmuça dhe Sino Llanaj, shkruan Euronews Albania.
Dhe mëndohet se pikërisht ky zhvillim ka sjellë dhe ngjarjen e ankthshme në “Astir” me flakët që detyronin banorët të klithnin për ndihmë. /tesheshi.com/
