Ziadin Sela ka folur për herë të parë publikisht pas masakrimit të 27 prillit, ndërsa ka takuar kryeministrin e mandatuar të Maqedonisë, Zoran Zaev, i cili i ka kërkuar kreut të Lëvizjes për Reforma në PDSH që të bëhet një nga zv.kryeministrat e tij.
Duke dolur për mediat, Sela ka thënë se dhuna e 27 prillit ka qenë një strategji kundër shqiptarëve e njëjtë si “Mosnstra” e “Sopoti”, ndaj përpara se të gjenden përgjegjësit e 27 prillit duhet të zbardhen masakrat e Gruevskit.
“Ajo që ndodhi më 27 prill ishte atentat ndaj nevojave të cilat shqiptarët i kanë këtu në Maqedoni. Ishte atentat ndaj artikulimit politik të këtyre reformave, që ne si Lëvizje për Reforma i kemi bërë gjatë gjithë kësaj periudhe. Ne na vranë më 27 prill dhe ne u ringjallëm përsëri më 27 prill. Ne do të vazhdojmë që nevojat e shqiptarëve këtu në Maqedoni t’i artikulojmë politikisht akoma më fuqishëm, deklaroi kreu i LR-PDSH-së Ziadin Sela.
Ndërkohë në kuadër të marrjes në pyetje të deputetëve të sulmuar barbarisht në 27 prill në Kuvend, edhe kreu i LR PDSH-së Ziadin Sela ka dhënë dëshminë e tij në Prokurori.
Për ngjarjet e “së enjtes së përgjakshme” është ngritur edhe një padi Penale për pjesëmarrje në turmë ndaj 28 vjeçarit me inicialet J.Ç nga Prilepi.
/tesheshi.com/
