Një pjesëtar i FNSH në Shkodër ka humbur jetën pasi është qëlluar nga persona të panjohur. Ngjarja ka ndodhur në mesnatëm në aksin Milot-Lezhë, dhe jetëhumburi është Xhuljano Prela, 26 vjeç.
Me origjinë nga Puka, ai jetonte Rrilë, ndërsa ndiqte dhe Akademinë e Policisë, duke qenë në vitin e 3-të për gradën nënkomisar.
Para se të kalonte në FNSH-në e Shkodrës, kishte qenë me detyrë në Komisariatin e Lezhës.
Prela është qëlluar në ecje, nga një tjetër automjet, teksa kthehej nga Rinasi ku kish përcjellë për jashtë disa të afërm. Automjeti i atentatorëve është gjetur i djegur nga policia, por këta të fundit, së bashku me arsyet, janë ende të panjohur.
Kjo ngjarje, ku humb jetën një uniformë blu, në kushte krejt të qeta për policinë, është një goditje e rëndë për radhët e uniformave blu. /tesheshi.com/
