U përzgjodh për ta goditur fort korrupsionin në Maqedoni, por gruaja në krye të Prokurorisë Speciale ka rënë vetë në pranga. Kateca Janeva, ajo që konsiderohej “tmerri” i klasës politike, u shoqërua për në polici, e dyshuar si e implikuar në aferën “Zhvatja”, një zhvillim që po trondit dhe qeverinë e Zaevit, ardhur me kredon e “duarve të pastra”.
Një ditë më parë, Jeneva shkoi si dëshimtare në proces, por hetimet e kanë vënë dhe atë në pranga.
Skandali plasi pasi në gazetën italiane La Verita, u shfaq një video ku Bojan Jovanovski, i njohur si Boki 13, u pa duke dalë së bashku me një ndihmës të tij nga shtëpia e biznesmenit Jordan Kamçev me dy valixhe të mbushura me para. Boki 13 në këtë rast dyshohet si një lloj ndërmjetësi i prokurores Katica Janeva në këtë skandal të madh korrupsioni.
Ndërkaq, biznesmeni Kamçev është i akuzuar për pastrim parash dhe vepra të tjera kriminale. Komunikimi i tij me njeriun e afërt të kryeprokurores Janeva, kishte të bënte me lehtësimin e rrethanave të arrestit të tij. /tesheshi.com/
