Një oficer i policisë financiare, i cili punonte për Prokurorinë Kombëtare Antimafia në Itali, aksesoi bankat e të dhënave me të dhënat personale të mbi 300 politikanëve, sportistëve dhe artistëve që punojnë ose kanë punuar në Itali.
Ky aktivitet i paligjshëm ka të bëjë me periudhën 2019-2023 dhe lidhet kryesisht me llogari bankare dhe blerje pronash për llogari të personave konkretë.
Me të gjithë çështjen po merret prokuroria e Perugias, e cila ka nisur hetimet për personat të cilëve dyshohet se janë cenuar detajet dhe të dhënat.
Ata përfshijnë futbollistin Ronaldo, ish-partneren e Silvio Berlusconit, Marta Fassina, ish-kryeministrat italianë Matteo Renzi dhe Giuseppe Conte, ministrin aktual të mbrojtjes Guido Crosetto dhe reperin Fedez.
Shtypi italian thekson se duhet të konstatohet nëse pas këtyre lëvizjeve fshihet një “mastermind”, një agjent dhe pse një pjesë e të dhënave personale, siç rezulton, janë publikuar nga një gazetë e përditshme e vendit.
Në deklaratën e saj, në këtë rast përmendet edhe kryeministrja italiane Giorgia Meloni, e cila nënvizoi: “E konsideroj shumë të rëndë faktin që në vendin tonë ka zyrtarë publikë që e kalojnë kohën duke shkelur ligjin, me kontrolle të qytetarëve të thjeshtë apo jo, kundër vullnetit të tyre, duke ua dhënë më pas këtë informacion shtypit.
“Përdorimi i bankave të të dhënave në këtë mënyrë nuk ka të bëjë fare me lirinë e shtypit.” /tesheshi.com/
