Kryetari i Komunës Qendër, Andrej Zhernovski, ka apeluar për masivitet në referendumin e 26 Prillit, në mënyrë që Qendra Tregtare e Qytetit, një godinë tradicionale e Shkupit, të mos devijojë në stilin Barok, siç po e kërkon qeveria ta shndërrojë, për ta bërë dhe atë pjesë të kompleksit monumental delirant të Gruevskit.
Por Zherenovzki ka paralajmëruar dhe një betejë tjetër me pushtetin, po me referendum: atë për malin Vodno, ku sipas tij po uzurpohet në mënyrë të paligjshme nga elitat politike, të cilat atje ndërtojnë vila luksoze dhe pallate banimi, pa mbajtur llogari për rezikshmërinë nga shembja e dheut, që fatmirësisht deri tani ka kaluar pa pasoja në njerëz, siç sqaroi ai.
“Vitin e ardhshëm do të sigurojmë mjete financiare për të organizuar edhe një referendum, respektivisht atë për malin Vodno. Me referendum do të përkufizojmë lartësinë e malit, në mënyrë që asnjë pushtet të mos mund ta uzurpojë”- tha Zhernovski. /tesheshi.com/
