Në zgjedhjet për Kongresin amerikan, dominuar aktualisht nga dmeokratët e synuar për t’u marrë nga republikanët, rezultati është jashtëzakonisht i pasigurt.
Garat më të afërta janë në Georgia Pensilvani dhe Nevada. Nëse republikanët fitojnë dy shtete dhe nuk ka surpriza diku tjetër, ata do të marrin kontrollin e Kongresit.
Zgjedhjet e Pensilvanisë janë një nga më të ndjekurat në vend, sepse shumica në Kongres ka të ngjarë të varet prej saj.
Mjeku Mehmet Oz, drejtuesi prej kohësh i një emisioni shumë të njohur televiziv të përditshëm shëndetësor, është në anën konservatore. 60-vjeçari Oz mbështetet nga Donald Trump, i cili vazhdon të ketë ndikim të rëndësishëm mes votuesve republikanë.
Kandidati republikan Todd Young parashikohet të fitojë vendin e Senatit të Indianës, raportoi NBC.
Guvernatori republikan Mike DeWine do të fitojë përsëri Ohio dhe do të mposhtë demokraten Nan Whaley, parashikon CNN.
Zhgënjimi i parë i madh për presidentin demokrat Joe Biden në zgjedhjet afatmesme ishte zgjedhja e republikanit J.D. Vance si senator në Ohio, sipas vlerësimeve të mediave amerikane.
Votuesit e Florida-s do të rizgjedhin senatorin republikan Marco Rubio për një mandat të tretë ndaj deputetit demokrat Val Demings, parashikon CNN.
NBC News raporton se demokrati John Fetterman ka fituar garën për vendin e hapur të Senatit të Pensilvanisë, por ende nuk ka një konfirmim zyrtar.
Nëse konfirmohet, mund të rrisë shumicën e demokratëve në Senat, ku partia ka aktualisht minimumin 50 vende të nevojshme për kontroll. Mund të kompensojë gjithashtu humbjet që demokratët mund të pësojnë diku tjetër nëse senatorët aktualë në shtete si Nevada ose Arizona humbasin rizgjedhjen. /tesheshi.com/
