Në Maqedoni, nga të dhënat e deritanishme të votimeve për zgjedhjet lokale, do të ketë një raund të dytë balotazhi për disa komuna. Ndërkohë, është konfirmuar pothuajse fitorja e kandidatëve të BDI-së në Tetovë e Kërçovë, si dhe e LR-PDSH-së (Zijadin Selës) në Strugë.
Ndërsa Çairi, arena e përplasjes mes BESËS dhe BDI-së, do ketë raund tjetër, ashtu sikurse Dibra e Madhe e disa komuna të tjera rreth Shkupit. Këto tregues kanë diktuar paralajmërimin për një aleancë mes BESËS dhe Aleancës për Shqiparët, ku kjo e dyta do mbështesë Zeqirija Ibrahimin për Çairin dhe anasjelltas, BESA mbështet kandidatin e Aleancës në Dibër, duke vepruar në të njëjtën formë dhe për komuna të tjera.
Në tregues votash BESA ka shënuar një tjetër rritje, por deri më tani nuk ka qenë e mundur marrja e ndonjë komune. Pikësynimi bazë e final mbetet po ai: Çairi.
Kreu i BESËS, Bilal Kasami madje shpalli se këto zgjedhje ishin fitore e madhe për këtë forcë, gjykuar nga numri i votave të marra, e fakti që BDI, rivalja kryesore, ishte në aleancë me LSDM-në maqedonase.
Ndërsa në kampin maqedonas, partia në pushtet e Zaevit, ka marrë shumicën e komunave duke triumfuar kështu pa asnjë diskutim ndaj rivales VMRO të Gruevskit. /tesheshi.com/
