Votat e diasporës, të cilat konsiderohen si vendimtare në përfundimin e rezultateve të zgjedhjeve të së dielës në Kosovë, nuk kanë ardhur pa mund.
Kështu, votat që kanë ardhur përmes postës kanë marrë kohë për faktin se janë dashur procedura të gjata deri te verifikimi dhe ardhja e dokumentit të votimit.
Por për votuesit përtej Atlantikut, ky proces ka pasur edhe një kosto. Një mërgimtari i ka kushtuar 35 dollarë që të votojë për zgjedhjet e 6 tetorit, shumë kjo që sigurisht që është paguar nga ai vet, sipas raporteve të kallxo.com.
Votat e diasporës që kanë arritur përmes postës janë duke u ruajtur në hapësirat e Ministrisë së Infrastrukturës. Procesi i hapjes dhe numërimit ka nisur të hënën dhe pritet që të dalin me rezultat final deri të dielën.
Analistët thonë se sipas trendit të votimeve, vullneti i diasporës do të thellonte edhe më tej fitoren e LVV-së, e cila prin me një përqind më shumë se LDK-ja. /tesheshi.com/
