Nga Blendi Gashi
Partitë politike në Kosovë kanë nisur gjahun për të arritur koalicionet parazgjedhore me qëllim që të dalin fitues në zgjedhjet parlamentare të 11 qershorit.
PDK dhe LDK që u “shkurorëzuan” së fundmi pavarësisht se janë tejet të bindur se do dalin triumfues, tashmë kanë nisur bisedat me partitë e vogla për koalicione parazgjedhore.
Por pavarësisht se cila prej tyre fiton, ndërtimi i qeverisë do jetë në dorë të partisë aktualisht të katërt në vend, AAK-së së Ramush Haradinaj.
Si PDK, LDK ashtu edhe Vetëvendosje, syrin e kanë kah Aleanaca dhe NISMA, pasi ndërmjet vete kanë përjashtuar mundësinë e lidhjes së koalicionit qeverisës.
Analistët politik njëzëri mendojnë se Ramushi do jetë politikani vendimtar në formimin e qeverisë së re, kjo edhe për shkak se partia e tij pritet të shënoi rritje, kjo pas përkrahjes që ka marrë nga qytetarët pas mbajtjes “peng” në Francë.
Analisti politik Shefqet Dibrani, vlerëson se Haradinaj jo veç që do të jetë përcaktues për qeverinë e re por edhe kryeministër i radhës, pasi nuk do ta përlan Gjykata Speciale, pasi i shpëtoi disa palë gjykimeve.
“Vendi ka nevojë për stabilizim dhe për një kryeministër pragmatik. E përdora shprehjen pragmatizëm sepse jo pak duket më funksional se profesionalizmi për të cilin po ashtu ka nevojë vendi ynë. Sipas të gjitha gjasave dështimi i VLAN-it ishte fat për të dhe për Kosovën, sepse u zhvesh komplet koncepti jugosllav i komunistit Isa Mustafa në njërën anë dhe në anën tjetër rirreshtimet kanë nis të dalin më në horizont”, ka thënë Dibrani, për tesheshi. com.
Leon Duhanaj, njohës i rrethanave politike, mendon se Haradinaj, momentalisht, gëzon një respekt të shtuar dhe, nëse arrinë këtë trend ta shfrytëzoj edhe gjatë fushatës atëherë me siguri që do ta ketë rolin kyç në epilogun e këtyre zgjedhjeve.
“Nuk duhet harruar se z. Haradinaj në vazhdimësi ka qenë akterë serioz në çështjet politike. Ka dhënë shembuj të mirë se si duhet vendi, qoftë në luftë ashtu dhe në paqe. Ajo çfarë për mendimin tim i mungon, është shkathtësia e tij dhe e njerëzve të Aleancës në të bërit politikë.
Kësaj radhe i ka të gjitha gjasat reale për të dalë shumë mirë në zhjedhje. Pastaj për çështjen e udhëheqjës së qeverisë, varet sa do të jetë me përqindje dhe, si do të jetë konstalacioni i mundshëm kombinues”, thotë Duhanaj për tesheshi. com, i cili këshillon që Haradinaj të mos ngul këmbë në postin e qeverisë por vetëm të bëhet pjesë e ekzekutivit.
Edhe Arsim Haziri, po ashtu analist politik, mendon se AAK do tё jetё përcaktues nё formimin e qeverisё, duke parё se vёshtirё se mund tё ketё koalicion tё ardhshёm qeverisёs mes PDK-LDK-së.
“Njё koalicion i mundshёm mund tё jetё ndёrmjet PDK-AAK-sё dhe NISMA-s, ose ndёrmjet Lёvizjes Vetёvendosje dhe AAK-sё dhe Nisma-s. Pra subjekti tё cilin e pёrfaqёson z. Haradinaj ёshtё pёrcaktuese e formimit tё njё qeverisje. Ndёrsa sa i pёrket postiti tё kryeministrit, konsideroj se z. Haradinaj me çdo kusht e synon mirёpo se ado tё arrijё tё pёrmbushё qёllimin e pandёrprerё, pasi varet edhe pёr koordinimeve ndёrpartiake”, thotë Haziri për tesheshi. com.
Kujtojmë se fushata elektorale hapet më 31 maj deri më 9 qershor, derisa 10 qershori do jetë heshtje parazgjedhore, kurse qytetarët më 11 qershor do i drejtohen kutive të votimit. /tesheshi.com/
