Zgjedhjet në Itali shënuan dhe një rast të veçantë: votimin nga ana e një 106-vjeçareje. Dhe jo në kushte shtrati, por me këmbët e veta deri te kutia.
Luisa Zappitelli tha se për herë të parë kishte votuar më 2 qershor të vitit 1946, kur siç shpjegoi, së bashku me familjen dhe një grup mikeshash bëri disa kilometra më këmbë deri në qendrën e votimit.
Ndër të tjera ajo tha se përgjatë 72 viteve me radhë, sa herë ka patur zgjedhje ajo ka votuar.
Madje nuk ka lënë pa e hedhur votën dhe në referendume. Por se për kë, nuk pranoi të thoshte. /tesheshi.com/
