Vetëvendosje ka arritur të fitojë Pudujevën në zgjedhjet e pjesshme të së dielës, në rrafshin lokal, një fitore që e ka arritur me Shpejtim Bulliqin, njeriun që në rolin e ekspertit të kufijve, kontestonte demarkacionin me Malin e Zi.
Më parë, Bulliqi ishte në radhët e LDK-së.
Ai fitoi 51.64 për qind të votave përballë rivalëve Nexhmi Rudari nga LDK me 35.97 për qind të votave dhe Naim Fetahut nga PDK me 12.40 për qind të votave.
Ndërsa Millan Radojeviq nga Lista Serbe ka fituar 89.86 për qind të votave në Mitrovicë të Veriut.
Aty, Vetëvendosje fitoi 3.68 për qind të votave, Dushan Millunoviç, kandidat i pavarur, fitoi 2.92 për qind dhe Florent Azemi nga PDK fitoi 3.54 për qind të votave.
Pra, dhe në Veri, Vetëvendosje ka arritur rezultatin më të mirë ndaj rivalëve jo fitues.
Referuar fitores në Podujevë, Albin Kurti tha se ato ishin dhe referendum.
“Qeverisja jonë do të jetë pa diskriminim pa privilegje. Ne nuk po e marrim komunën, po ua kthejmë komunën. Do të jemi pranë jush sepse jemi si dhe gjithmonë do të mbetemi si ju”, ka thënë mes tjerash Kurti.
Kujtojmë se VV qeverisë dhe Prizrenin, ndërkohë që vite më parë do fitonte Prishtinën me Shpend Ahmetin, i cili tashmë i përket një force tjetër. /tesheshi.com/
