Edhe pse sot është afati i fundit PS dhe LSI nuk janë regjistruar ende si koalicion në zgjedhjet e 11 shtatorit në bashkinë Dibër.
Ndonëse PD dhe aleatët e saj e kanë bërë, partitë e mazhorancës janë regjistruar vetëm si forca politike.
Përmes një njoftimi për shtyp, KQZ ka bërë me dije se, “dita e sotme, 15 gusht 2016, është afati i fundit i regjistrimit për të garuar në procesin elektoral të 11 shtatorit. Me këtë rast, KQZ u ka bërë thirrje subjekteve politike të interesuara që të paraqesin:
- Kerkësat për regjistrimin e koalicioneve zgjedhore, afat i cili përfundon me orarin zyrtar të punës së KQZ-së.
- Kërkesat e grupeve nismëtare për paraqitjen e kandidatëve të propozuar nga zgjedhësit.
Komisioni ka sqaruar se, për dorëzimin e dokumentacionit Komisioni përkatës Zonal për Administrimin e Zgjedhjeve, i cili mban numrin 19, do të punojë edhe pasdite, nga ora 16 deri në 20:00, në përputhje me kuadrin ligjor”.
Më tej, Komisioni Qendror i Zgjedhjeve u ka bërë thirrje partive politike që, “për mbarëvajtjen e zgjedhjeve të datës 11 shtator të respektojnë detyrimet ligjore në çdo etapë të procesit, të cilat janë të shkurtuara”.
/tesheshi.com/
