Nga Blendi Gashi
Partitë politike në Kosovë, përjashtuar Vetëvendosje-n, brenda një dite kanë hëngër fjalët e tyre duke lidhur koalicione parazgjedhore, dhe harruar akuzat ndaj njëra-tjetrës, e vijat e kuqe që kishin vënë.
Ndonëse për dy vite lodhën qytetarët duke thënë se do dërgojmë në shtëpi PDK-në e LDK-në, dy parti që i quajtën e keqja e vendit, AAK dhe NISMA u dorëzuan duke u bashkuar me PDK-në e Veselit edhe pse deklaroheshin se një koalicion opozitar është në të mirën e vendit.
Njëjtë veprpuan edhe AKR e Alterantiva që ndonëse u menduan se do garojnë në një listë me Vetëvendosje-n, papritmas u bashkuan me LDK-në, duke harruar akuzat që bëjnë ndaj saj.
Tash, qytetarët kanë para vetës dy koalicione të mëdha parazgjedhore, të ashtuquajturat “krahu i luftës” dhe “krahu i paqes”, derisa partia Vetëvendosje do garon e vetme në zgjedhje, por që pas tyre mund të jetë përcaktuese në formimin e qeverisë varësisht rezultateve.
Por, kush ka gjasa më të mëdha të fitojë zgjedhjet e 11 qershorit?
Politologu, Mentor Tahiri, mendon se rreshtimi i të ashtuquajturit krah i luftës është veprim nga paniku që erdhi si rezultat nga koalicioni LDK, AKR, Alternativa, pani që sipas tij bazohet edhe në sondazhet që partitë kanë bërë dhe të cilat tregojnë qartë, se PDK e vetme nuk do mund të ngadhënjente.
“Rreshtimi, krahut të luftës nuk ua garanton fitoren siç u pretendua pas nënshkrimit të koalicionit mbrëmë. Qysh tani shihet se ka pakënaqësi dhe ato do rriten edhe më shumë gjatë përpilimit të listës për deputet. Krahu i luftës i rreshtuar në një listë do imponoj një mobilizim te partitë tjera, konkretisht tek LDK dhe VV, aq sa do jetë teknikisht e mundur, gjithnjë brenda spekulimeve që të garojnë në një listë zgjedhore. Megjithatë zyrtarët e LDK-së dhe VV-së do jenë të matur në deklaratat e tyre sepse do kalkulojnë te një pjesë e elektoratit që mund ta humbin gjatë bashkëpunimit të tye eventual. Pra, parashoh që beteja elektorale do jetë shumë e ngushtë dhe në fund do vendos një elektorat i pavendosur”, thotë Tahiri, për tesheshi. com.
Shefqet Dibrani, analist politik, vlerëson se skema politike në Kosovë, si asnjëherë më parë, ka krijuar një rreshtim të majtë ideologjik, sepse sipas tij parti të djathtë dhe demokratike.
“Derisa PDK, po hyn me ndryshime në kreun e partisë, që është indikacion pozitiv, koalicioni ka nominuar Ramush Haradinajn për kryeministër që do të thotë është edhe një përcaktim i suksesshëm dhe padyshim do të dominojnë pjesën dërmuese të parlamentit të ardhshëm. Ky koalicion do të gjej mbështetjen e SHBA-së, pasi është më i vendosur për vendime të rëndësishme, kurse zgjedhja e Ramushit për kryeministër do ta bëjë ratifikimin e kufirit me Malin e Zi, për të cilin janë të interesuar Amerikanët dhe vet Evropianët. Me një fjalë është koalicion që ofron zgjidhje, prandaj ku më shumë e ku më pak do të përkrahet edhe publikisht nga aleatët tanë ndërkombëtar”, thotë Dibrani, për tesheshi. com.
Kurse, koalicioni tjetër LDK-AAK-ALTERNATIVA, sipas Dibranit nuk lë për të shpresuar, pasi thotë se Isa Mustafa, është strukturë e Lidhjes Komuniste dhe në fund bëri një taktizim për mashtrimin e radhës duke u tërhequr vetëm nga lista zgjedhore, por jo edhe nga partia.
“Koalicioni me Behgjet Pacollin vetëm e rrit dyshimin për ndikimin rus në Kosovë. Ndërsa nominimi i Abdullah Hotit, për kryeministër qiti në pah çarjet e brendshme, duke tradhtuar Isa Mustafa nënkryetarin e partisë Lutfi Haziri, për ta nominuar një kuadër nga ekonomia e cili vite më parë ishte kandidat i propozuar nga Partia e Bujar Bukoshit dhe njihet si kundërshtar i vijës rugoviane duke mbështetur vendimet teknokrate të Mustafës. Sado që duket kuadër, qytetari e di mirë se LDK-ja ka rrëshqitur nga programi i saj nacional”, shprehet Dibrani.
Kurse, për VV-në që do garoi e vetme në zgjedhje, Dibrani nuk beson se do të dale fituese, por pret që kjo parti ë ketë rritje, madje mendon se mund të mposht binomin Mustafa&Pacolli.
Njohësi i rrethanave politike, Faik Krasniqi mendon se më shumë gjasat për të fituar në zgjedhje i kanë partitë e mëdha dhe koalicionet që kanë ndërtuar, por mendon se mund të befasoi edhe Veëvendosje.
“Janë krijuar dy blloqe të mëdha që edhe njëra edhe tjetra kanë gjasa të dalin fituese në zgjedhjet e 11 qershorit, por pa gjasa nuk është as VV edhe pse do ta ketë vështirë që ti fitojë zgjedhjet pa koalicion. Mirëpo pas zgjedhjeve mund të jetë përcaktuese në formimin e qeverisë, sepse asnjëra palë nuk do ta arrijë të fitojë shumicën për të qeverisur e vetme. Nëse LDK, AKR dhe Alternativa i fitojnë zgjedhjet, atëherë VV me shumë gjasë do ti bashkohet këtij koalicioni për krijimin e qeverisë”, thotë Krasniqi, për tesheshi. com.
/tesheshi.com/
