Ndër reagimet e para nga rajoni për zgjedhjen e Matthew Palmerit si Përfaqësues Special i SHBA për Ballkanin Perëndimor, ka qenë ai i ministrit të Jashtëm serb Ivica Daçiç. Sipas tij, kjo është një shenjë se SHBA duan të inkurajojnë një zgjidhje e shpejtë mes Prishtinës dhe Beogradit, si dhe t’u bëjnë thirrje të gjitha palëve në Bakanin Perëndimor për të ndërtuar paqen dhe stabilitetin.
Sidoqoftë, Daçiç thotë se paqja dhe stabiliteti nuk varen nga vetë zgjedhjet e Palmer, por është thelbësore “nëse do të ketë presion të shtuar ndaj Prishtinë për të hequr taksat për mallrat serbe”.
Sa për Palmerin, Daçiç thotë se është i martuar me një grua në Beograd, e cila mund të mos jetë një avantazh, pasi ai do të duhet të “dëshmojë se nuk është i njëanshëm”. Megjithatë, ai vlerëson se diplomati amerikan është i vetëdijshëm për situatën në rajon.
Daçiç deklaron se formati i dialogut midis Serbisë dhe Kosovës nuk do të ndryshojë.
“Por, cilat do të jenë rezultatet, do të shohim, Kjo varet edhe nga zgjedhjet në Prishtinë”, tha Daçiç. /tesheshi.com/
