Bejtush Gashi do të jetë njeriun që do zëvëndësojë Flamur Sefajn si ministër i Brendshëm i Kosovës. Ky i fundit u (vet)largua pas shkarkimit që i bëri shefi i tij, kryeministri Haradinaj, pas ndalimit dhe deportimit të 6 gylenistëve nga Kosova drejt Turqisë. Haradinaj shfaqi zemëratën e tij ndaj Sefajt si ministër dhe kreut të Inteligjencës Driton Gashi, kur tha se nuk ishte informuar prej tyre për operacionin e ndalimit të gjashtëshes.
Për Bejtush Gashin, ardhur nga nga Aleanca Kosova e Re e Behgjet Pacollit, Haradinaj dha këtë vlerësim:
“Bejtush Gashi ka qenë zëvendësministër në MFSK dhe është doktor shkence, si dhe ligjërues në fushën e sigurisë. Ai i sjell qeverisjes së vendit një cilësi të re dhe një përvojë të madhe në këtë fushë të rëndësisë së veçantë për vendin. Ministrit të ri i dëshirova suksese në detyrën e tij dhe i premtova mbështetjen time të plotë, në shërbim të zbatimit të ligjit dhe të sigurisë publike në Kosovë”, shkruan Haradinaj.
Ja kush është ministri i ri…
Para se të emërohej në krye të MPB-së, ishte zëvendësministër i Forcës së Sigurisë së Kosovës.
Gashi, ishte ligjërues në Fakultetin e Edukimit në Universitetin e Prishtinës, në atë të Arkitekturës, atë të Elektroteknikës, si dhe në disa kolegje private.
Gjatë vitit 2006 – 2007, u zgjodh në postin e drejtorit në Departamentin e Politikave të Sigurisë së Brendshme, në Ministrinë e Punëve të Brendshme.
Gashi në vitin 2005 mori titullin Doktor Shkence me mbrojtjen e tezës “Prania ushtarake në Kosovë në periudhën 1945-1990”, “Spiro Moisiu”, në Tiranë.
Ai i u lind më 27 korrik 1957, në Prishtinë. /tesheshi.com/
