Ambasadori rus në Beograd, Aleksandar Bochan-Kharchenko, tha se Perëndimi qëllimisht po lë një “vakum sigurie” në Kosovë që do të plotësohet nga forcat speciale të policisë kosovare-shqiptare dhe paralajmëroi se kjo është rruga që çon në konflikt.
Kryeministri i Kosovës Kurti ka refuzuar edhe një herë propozimet e Bashkimit Evropian për stabilizimin e situatës në veriun e Kosovës, i cili është në prag të konfliktit. Presidenti i Serbisë, Aleksandar Vuçiç, ka treguar edhe një herë përkushtimin e tij konstruktiv. Nuk do të habitem nëse Perëndimi, pavarësisht kësaj, vazhdon të përsërisë tezën e përgjegjësisë reciproke të Beogradit dhe Prishtinës për rritjen e tensioneve. Mesazh krejtësisht i rremë.
Natyrisht, ‘vakumi i sigurisë’, për të cilin flet Përfaqësuesi i Lartë i BE-së për Punët e Jashtme dhe Sigurinë, Josep Borell, është i rrezikshëm. Nuk ka asnjë argument atje. Megjithatë, nuk është e mundur të kuptohet pse shefi i diplomacisë evropiane beson se as EULEX-i dhe as KFOR-i nuk mund ta plotësojnë atë për të shmangur një krizë. Kjo është pikërisht ajo që bie nën juridiksionin e atyre pranive ndërkombëtare. Besoj se do t’ia vlente që Borell-i të njihej me termat e tyre të referencës.
Duket se Perëndimi qëllimisht po lë një ‘vakum sigurie’ për ta mbushur me forcat speciale të policisë kosovare-shqiptare.
Ne ju paralajmërojmë: kjo është rruga që të çon në konflikt”, ishte komenti i Bocan-Kharchenko.
Kujtojmë se Albin Kurti hodhi poshtë propozimin e BE-së për targat, duke e quajtur atë të padrejtë. Por gjatë natës, nën presionin amerikan shtyu për 48 orë vendimin për nisjen e fazës së dytë, atë të gjobave. /tesheshi.com/
