Presidenti ukrainas Volodymyr Zelensky falënderoi popullin ukrainas për rezistencën 50-ditore ndaj pushtimit të ushtrisë ruse, në kuadër të kësaj rrumbullakosjeje kalendarike, mbi mbi të gjitha Zotin.
“Faleminderit Zotit, forcat e armatosura të Ukrainës, populli ynë – ne kemi mbrojtur pjesën më të madhe të vendit tonë”, tha Zelensky në një fjalim të regjistruar të ngarkuar në platformën Telegram.
“50 ditët tona të mbrojtjes janë një arritje. Një arritje e miliona ukrainasve”, theksoi ai. Zelensky tha se e mbante mend ditën e parë të pushtimit rus të Ukrainës: “Ta them butë: askush nuk ishte i bindur se ne do të mbijetonim”.
Shumë i kërkuan që të largohej, vazhdoi ai. “Na këshilluan t’i dorëzoheshim tiranisë de facto, por nuk e dinin sa të guximshëm janë ukrainasit dhe sa e vlerësojnë lirinë për të jetuar ashtu si duam”. Në të njëjtën kohë, ai falënderoi të gjithë ata që mbështesin Ukrainën.
https://twitter.com/i/status/1514678389688475650
Ai tha gjithashtu se pas këtyre 50 ditëve shumë liderë të huaj i sheh ndryshe. Ai vlerësoi “bujarinë e madhe” të disave, edhe pse vendet e tyre nuk janë të pasura, vendosmërinë e të tjerëve, të cilët nuk i morën seriozisht. Në të njëjtën kohë ai stigmatizoi sjelljen e disa liderëve që i dhanë përshtypjen, tha ai, se janë të pafuqishëm. /tesheshi.com/
