Auto Dak
Auto Dak
Auto Dak

Zbulohet varri monumental i Maries së Durrësit në kishën “Santa Chiara” në Napoli

Nga Mark Brunga

Qyteti i lashtë i Napolit në Itali është i shquar për veprat monumentale dhe historike që posedon. Dhe në një prej tyre, në kishën “Santa Chiara” është zbuluar varri i nje banoreje të hershme të qytetit të Durrësit.

Bëhet fjalë për Varrin e Maries, i llojit monumental, që i përket shekullit të 14-të. Varri është i punuar me mermer nga mjeshtra të përmendur  napoletanë, ku lehtazi dallohet se kjo grua nga qyteti i Durrësit i përkite shtresave të larta të shoqërisë, pasi në ketë kishë të veçantë ndodhen edhe varret mbretërore të Anzhuinëve dhe personalitete te tjera të kohës. Në të shkruhet se është varri i Maries nga Durrësi. Por më tepër nuk dihet rreth kësaj gruaje, rreth këtij personaliteti të kohës që patjetër duhej të ketë patur një status të veçantë në shoqëri.

“Santa Chiara” është një kompleks fetar që përfshin kishën me të njëjtin emër, një manastir, një kompleks varresh dhe një muze arkeologjik.

Prapa altarit kryesor është varri i mbretit Robert të Anzhuineve, i cili ishte skalitur nga Pacio dhe Giovanni Bertini në 1343. Në anën tjetër te kishës janë varret e Bourbonëve,  Francis II mbretit Burbon të Napolit  dhe bashkëshortes se  tij, Maria Sophies së Bavarisë, si dhe ato të mbretëreshës Maria Christina e Savojës.

Mjediset e brendshme të kishës kanë qënë në stilin gotik, por gjatë rindertimit që iu bë nga vitet 1742 deri ne 1762 nga Domenico Vaçaro, Gaetano Buonocore dhe Giovanni del Gaizo, këto mjedise janë përshtatur në stilin Barok.

Në kishën  e gjashtë në të majtë, hasen që mbas shekullit të 14-të reliefe qe përshkruajnë martirizimin  e gruas së Massenzio-s, ndërsa i shtati ka dhe një varr të  Ludovico-s  të Durrësit, një tjetër punë të shekullit të 14-të nga mjeshteri  fiorentin Pacio Bertini. /tesheshi.com/

 

 

 

auto pjese dak

Related posts