Për Serbinë dhe vendet e tjera që kërkojnë të bëhen pjesë e Bashkimit Evropian, Brukseli ka të ngjarë të vendos rregulla të reja të pranimit, shkruan Novosti me qendër në Beograd, raporton B92.
Kjo duhet të ndodhë në samitin e ardhshëm BE-Ballkan Perëndimor në maj 2020, në Zagreb, thekson Novosti, ku si kompensim do ofrohet modeli i një lloj partneriteti të privilegjuar me BE; pra integrimi ekonomik pa anëtarësim zyrtar.
Kjo metodologji e re po diskutohet drejtpërdrejt midis dy vendeve më me ndikim në BE, , Francës dhe Gjermanisë, ndërsa qarqet më të gjera të këtyre marrëveshjeve përfshijnë Hollandën dhe Danimarkën, të dy vendet që kanë pikëpamje skeptike për anëtarët e rinj.
Një ide është që të prezantohet i ashtuquajturi “integrim sektorial në BE”, domethënë, pas mbylljes së secilit kapitull, praktikisht hyn plotësisht në sistemin e Unionit në zonë, në vend që të presësh, si më parë, për t’u bërë një anëtar i plotë.
Për shembull, kur të përfundojnë negociatat në fushën e transportit ose ekologjisë, vendi kandidat do të kishte qasje të menjëhershme në të gjitha fondet e BE-së, si çdo shtet tjetër anëtar.
Gjithashtu është dhe “modeli norvegjez”, sipas të cilit vendeve aspirante do t’u ofrohej anëtarësimi në Shoqatën Evropiane të Tregtisë së Lirë (EFTA) dhe në Zonën Ekonomike Evropiane. /tesheshi.com/
