Zbulohet mini-nëndetësja kamikaze japoneze e asgjesuar në Pearl Harbor, goditja e saj shënon hyrjen e SHBA në luftë

Administrata  kombëtare e Oqeanisë dhe Atmosferes   ka publikuar  fotografi të një mini-nëndetëseje japoneze të përdorur në fillim të sulmit ne Pearl Harbor në vitin 1941, të  cila, sic duket dhe nga fotot është e shkatërruar.  Në 75-vjetorin e rrënimit ushtarak nga bombardimi japonez në Pearl Harbor, anija NOAA Okeanos Explorer  ka dërguar një mjet robotik për të ekzaminuar  dy mini-nëndetëse japoneze, të cilat janë transmetuar  live.

Goditja  e njërës nga këto mini-nëndetëse është edhe goditja e parë, ose rasti i parë i hapjes së zjarrit nga ushtria  amerikane në Luftën e II-të Botërore, gjë që ndodhi pas Pearl Harbor-it. Marina amerikane ka qëlluar mini-nëndetësen kamikaze mëngjesin e 7 dhjetorit 1941 dhe e ka fundosur atë gjatë tentativës për t’u futur në port. Nga kjo goditje ajo është zhytur pjesërisht. 90 minuta pas asgjësimit të  saj ka filluar sulmi i befasishëm japonez nga ajri.

“Deri më tani, vetëm një pjesë të vogël të hulumtuesish dhe shkencëtarësh i kanë parë këto relike të luftës në det të thellë”, ka deklaruar James Delgado, Drejtori i Trashëgimisë Detare, “por në sajë të teknologjisë, të gjithë  tani mund të zhyten në eksplorimin e parë të drejtpërdrejtë të mini-nëndetëseve që përfaqësojnë fillimin e luftës në Paqësor”.

Nëndetëset shërbejnë tashmë për një kujtesë jo vetëm për qëllimin vdekjeprurës të misionit, por edhe dështimin e tij. Në Paqësor janë zbuluar të fundosura edhe torpedo të tjera gjatë Luftës së II-të Botërore nga bombardimet e aviacionit amerikan. Në nje koordinatë të Paqësorit, në maj të këtij viti është  njoftuar se ishte zbuluar një mininëndetëse kamikaze e siluruar nga aviacioni amerikan në qershor të vitit 1944. /tesheshi.com/