Gazeta ruse Komersant ka zbuluar misterin e armëve që Serbia do t’i marrë nga Rusia brenda disa muajsh, duke shtuar kështu rrezikun e destabilizimit të Ballkanit.
Gazeta citon një zyrtar rus i cili thotë se arsenali që do t’i shkojë Serbisë, do të varet nga armatosja e Kroacisë, e cila ka në plan të blejë raketat operacionale MGM-140 ATACMS nga SHBA-ja, ku një prej të cilat e ka rrezen e veprimit rreth 300 kilomentra.
“Ushtria serbe mendon se hyrja e këtyre armëve në Ballkan do të ndryshojë balancat e forcës në rajon. Ata mendojnë që mungesa e ndihmës nga Moska ka bërë që shtetet e Ballkanit po ofertohen vazhdimisht nga NATO-ja për t’u anëtarësuar. Kështu që rikthimi nga ne është njëfarë mënyre i detyruar”, tha një burim në qeverinë ruse për gazetën Komersant.
Një komision i përbashkët do të mbyllë diskutimet në fund të janarit për sasinë dhe llojin e armëve që do të merren nga Moska, jo me pagesë, por me një kredi të butë të përcaktuar nga qeveria ruse.
Siç bën të ditur Komersant, kërkesat e para të ushtrisë serbe janë për sistemet raketore të vogla dhe të mesme Buk, Tor, dhe Pantsir-S1.
Sistemi Buk
Sistemi raketor rus (Rusisht: “Бук”) futet në familjen sistemeve raketore të mesme vetëlëvizëse kundërajrore. Ai është prodhuar pas rënies së Bashkimit Sovjetik dhe është projektuar si një sistem inteligjent për të shkatërruar raketat Cruise, avionët gjuajtës e bombardues, por edhe helikopterë apo raketa.
Sistemi buk është pasardhësi i NIIP/Vympel 2K12 Kub. Buk është mjaft rezultativ për të shkatëruar sisteme raketash balistike dhe ato me rreze të mesme veprimi.
Sistemi Tor
Ky është një sistem me rreze më të shkurtër veprimi dhe sërish është një sistem kundërajror. Është projektuar për të rrëzuar me precision të lartë aeroplanë, helikopterë, raketa që hidhen nga anijet, municione me telekomandim etj.
Ky sistem përdoret në një autoblindë dhe në anije.
Tor ka qenë i pari sistem kundërajror raketor në botë i projektuar për të shkatërruar armë të sofistikuara, si sistemi raketor amerikan AGM-86. Tor mund të zbulojë shënjestra menjeherë sa lëviz. Kur qëllon, ai ndalon së punojë si radar.
Sistemi raketor Pantsir-S1
B Ky është një system i fjalës së fundit dhe përfaqëson tenkologjinë më të përparuar ruse si pasardhëse e Katjushkës. Por Patnsir është një sistem shumë efikas për rreze të shkurtëra veprimi në rrëzimin e avionëve, helikopterëve apo dhe sisteme raketore. Mund të transportohet shumë lehtë.
Ndërkaq ministria serbe e Mbrojtjes ka kërkuar që Rusia të sjellë një numër të konsiderueshëm avionësh gjuajtës MiG-29. Beogradi i ka aktualisht 10 të tillë, 4 të blerë në 1999 dhe 6 të blerë në 2013-n.
Serbia ka gjithashtu 11 MIG 21 dhe një një duzinë me avionë luftarakë J-22 Orao.
Mig 29 janë gjenerata e fundit e avionëve rusë gjuajtës dhe bombardues. Përfaqëson një nga më të mirët dhe më të kushtueshmit të prodhuar nga Bashkimi Sovjetik, me qëllim për të konkuruar avionët amerikanë F16 dhe F17.
Gazeta ruse Komersant thekson se furnizimi i Serbisë me këto armë do të jetë i shpejtë dhe i lirë me shpenzime të vogla.
Përgatiti: Ylli Pata – /tesheshi.com/
