Ministria e Drejtësisë ka publikuar në faqen zyrtare veprimet që janë kryer për arrestimin e Klemend Balilit, i njohur ndryshe si “Eskobari i Ballkanit”. Në deklaratë është sqaruar se Balili është shpallur në kërkim ndërkombëtar që në datën 17 maj të këtij viti.
Sekretari për çeshtjet e sigurise në PD, Enkelejd Alibeaj nisur nga këto fakte denoncon kryeministrin Rama dhe ministrin e Brendshëm, Saimir Tahiri se po e mbrojnë Balilin, duke mos zbatuar urdhërin ndërkombëtar, qëllimisht.
“Kjo është një dëshmi se Saimir Tahiri dhe Edi Rama, kanë mbrojtur Klement Balilin prej 8 muajsh. Nesër bëhen saktësisht 8 muaj, që Saimir Tahiri dhe Edi Rama refuzojnë të zbatojnë urdhërin për arrestimin e Klement Balilit. Kjo pra është lidhja e qeverisë me krimin, ky është inkriminimi në nivelet më të paimagjinueshme”, shprehet Alibeja.
Sipas tij, prej 17 majit, Saimir Tahiri ka qenë nën detyrimin për ta ndaluar Klement Balilin, për të zbatuar urdhërin e kërkimit ndërkombëtar për veprën penale “Krijim dhe Drejtim të Organizatës Kriminale”, pa pritur më asnjë proçedurë tjetër./tesheshi.com/
