“Zbulim epokal” i Isa Mustafës në Malishevë: Veç një Kosovë ekziston, jo dy!

Ligjërimi elektoral në Kosovë, veç premtimeve me shumicë deri në teprime, po ka dhe bartje të madhe folklorike. Dhe nga kjo e fundit burojnë hera-herës dhe deklarime të rralla, dhe me një rrëshqitje drejt qesharakes.

E tillë ishte ajo e kreut të LDK-së, Isa Mustafa në Malishevë, ku tha se “Veç një Kosovë e kemi. Nuk i kemi dy”.

Vështirë të kuptohet në këtë rast se pse i është mëshuar Kosovës si “një” dhe jo si “dy”, ndërkohë që as në planin historik e as në atë politik kjo nuk vihet në diskutim. Në diskutim është vetëm të qënit e saj e ndarë, siç e kërkojnë serbët, apo e unifikuar, siç është të paktën zyrtarisht.

Më tej Mustafa u tha njerëzve në tubim që të votojnë për LDK-në dhe aleatët e saj, pasi sipas tij vetëm kështu Kosova do dilte e fituar. /tesheshi.com/