Ka mbërritur kështu, me xhaketë e papijon, në brigjet siçialiane. Nuk i ka më shumë se katër vjet, fëmija kongolez që duket në fotografinë e pazakontë e aq prekëse ku shihet i veshur si për festë.
Një veshje që e ka shoqëruar gjatë gjithë udhëtimit të tij, një rrugë e gjatë e nisur nga Libia e që do të sillte në festën që e priste në zbritjen nga barka në brigjet italiane.
Nëna e e tij që mbante për dore i kishte thënë se do të ishte udhëtimi më i rëndësishëm i jetës së tij, do të shkonin në një vend që do t’i mirëpriste me një festë të madhe e për këtë arsye, duhet të visheshin elegantë.
Këto fjalë të përcjella për gazetën “La Repubblica” nga Marica Scaço, drejtoreshë e zyrës së emigracionit që merret me pritjen e emigrantëve, që kanë qenë rreth 5 mijë në 5 ditët e fundit në brigjet siçiliane.
Një fotografi kjo që përmban shumë shpresë, një veshje për ta bërë më pak të hidhur udhëtimin drejt së panjohurës.
Përgatiti: Juli Prifti – /tesheshi.com/
