Janë publikuar emrat e 5 besimtarëve muslimanë të plagosur me thikë nga shtetasi 34-vjeçar Rudolf Nikolli, i cili hyri në xhaminë “Dine Hoxha” në Tiranë, duke sulmuar besimtarët që ishin aty, ngjarja e ndodhur në mesditë.
Ata janë:
Donald Koçi, rreth 35 vjeç,
Saba Peposhi, rreth 22 vjeç,
Mariglen Konja, rreth 24 vjeç,
Kleon Jaupaj, rreth 26 vjeç,
Anri Tola, rreth 23 vjeç.
Raportohet se ata janë jashtë rrezikut për jetën.
Ende nuk dihet se ç’motiv ka patur ky sulm, i paprecedentë në lloj, pasi ndodh në kohë Ramazani dhe pa asnjë debat apo situatë tensioni me karakter fetar.
Sipas emrit të autorit, ai është me prejardhje katolike, por është herët të përflitet për ndonjë sulm me prapavijë fetare.
Kujtojmë se te “Dine Hoxha”, një xhami që ka bërë historinë e ringjalljes islame në Tiranë e Shqipëri pas viteve ’90, ka dhe shumë të konvertuar nga besimet e tjera. Madje një prej të plagosurve, Kleon Jaupaj, është prej të konvertuarve të atyshëm. /tesheshi.com/
