Ministri i Arsimit, Shkencës dhe Teknologjisë në Kosovë, Shyqiri Bytyqi, i ka porositur të rinjtë që të mos ia mësyjnë pozitave në sektorin publik, por t’iu qasen zanateve.
“Ne kemi fusha si inxhinieria, agrikultura e shumë zanate që na mungojnë, e megjithatë në IT jemi të dalluar. Të rinjtë nuk duhet të orientohen kah punësimi në sektorin publik, por kah zanatet”, tha ai në një intervistë televizive për emisionin “Jeta në Kosovë”.
Këtë porosi Bytyqi e kishte dhënë edhe në muajin prill në diskutim me disa gjimnazistë që pritej të drejtonin karrierën e tyre në nivele universitar. /tesheshi.com/
