Kryeministri i Maqedonisë Veriore, Zoran Zaev, tha se nuk kishte asnjë alternativë për vendin e tij pos anëtarësimit në Bashkimin Evropian dhe se ishte e rëndësishme të vazhdohej dialogu me Bullgarinë fqinje.
Ai theksoi edhe një herë se nuk ka negociata për gjuhën dhe identitetin maqedonas.
“Duke qenë se anëtarësimi i Maqedonisë Veriore në BE është e vetmja alternativë, është e rëndësishme për ne që të vazhdojmë dialogun me Bullgarinë në frymën e respektit të ndërsjellë dhe zbatimit të Marrëveshjes së Miqësisë përmes bashkëpunimit sektorial më intensiv,” tha Zaev në një takim të rregullt vjetor me ambasadorët e BE në Shkup.
Në të njëjtën kohë, Zaev vuri në dukje se Maqedonia e Veriut “mbetet e vendosur fort për çështje të caktuara që janë vija të kuqe”, të tilla si gjuha maqedonase dhe identiteti maqedonas”.
“Ne nuk jemi duke negociuar rreth tyre (identitetit dhe gjuhës),” tha Zaev. /tesheshi.com/
