Lufta në Ukrainë ka ofruar një tjetër pamje tronditëse.Sipas një videoje të AP që po qarkullon në internet, u gjetën trupa, që besohet se i përkasin ushtarëve rusë, të shtrirë në tokë të pajetë që formojnë shkronjën “Z”.
Imazhet vijnë nga një fshat afër Kharkiv, dhe sipas AP, “trupat e ushtarëve të panjohur, që besohet të jenë rusë, të pozicionuar në shkronjën Z, një simbol i pushtimit rus, u gjetën pranë një fshati të rimarrë së fundmi nga forcat ukrainase.
Rrethinat e Kharkovit japin përshtypjen e një morgu në ajër të hapur, ku të vdekurit qëndrojnë në rrugë për javë të tëra, ndërsa forcat ukrainase dhe ruse luftojnë për kontroll të këtyre zonave”.
https://youtu.be/3uIHd6t7byE
Skena në fjalë thuhet se i përket Staryi Saltiv, rreth 30 milje nga Kharkiv, sipas Pentagonit.
Gazetarët e përshkruan zonën si një “varrezë në ajër të hapur”, me rrugë dhe fusha të mbushura me kufoma. Në banesa janë gjetur edhe kufoma të civilëve.
Shkronja Z është bërë simbol i pushtimit rus.
Analistët dhe ekspertët ushtarakë e vunë re fillimisht atë të vizatuar me dorë në tanket dhe kamionët ushtarakë rusë të mbledhur në kufirin ukrainas më 19 shkurt.
Që atëherë ajo është përdorur gjerësisht nga Rusia e madje dhe nga sportistë rusë. /tesheshi.com/
