Edhe pse xhudo kosovare vazhdon të jetë ambasadori më i mirë i Kosovës dhe po ngre flamurin edhe në shtetet që se kanë njohur, si në Rusi e së fundmi në Spanjë, as kjo nuk po mjafton që institucionet të bëjnë investime në këtë sport.
Është trajneri Driton Kuka, që i ka bërë thirrje Ministrisë së Kulturës, Rinisë dhe Sporteve (MKRS), të nis investimet në infrastrukturë.
“Qendra Nacionale e Xhudos që dy vite vetëm në letër. Po presim që ministri Gashi të vij në Pejë dhe të sqarohet ky problem, sepse sporti me medalje të artë Olimpike në shtetin e Kosovës s’ka asnjë investim në infrastrukturë deri sot”, ka shkruar Kuka në Facebook.
Mbetet të shihet nëse kjo thirrje e hapur e Kukës do të lëvizë gjërat dhe MKRS-ja të fillojë investimet.
Kujtojmë se së fundmi, xhudo kosovare morri pesë medalje nga Lojërat Mesdhetare “Tarrango 2018” që u mbajtën në Spanjë. /tesheshi.com/
