Kryetari i bashkisë së Kamzës, Xhelal Mziu ka folur për herë të parë për vendimin e çuditshëm, kundrejtë presidentit të zgjedhur të SHBA-së, Donald Trump. Sipas tij, vendimi për ta shpallur atë “Qytetar Nderi” erdhi për të tërhequr vëmendjen e medias, e cila e lë pas dore dhe nuk i pasqyron investimet.
Lajmet e mira nuk pasqyrohen në media. Dhënia e çmimit ishte një mënyrë për të përdorur ju të medias të shkruani lajme për bashkinë tone”, ka thënë Mziu. Madje, ai ka provokuar gazetarët duke thënë se me “Donald Trump” do të emëronte edhe një rrugë të re.
“Po të bëhet ndonjë rrugë e re, do t’i vendos dhe një emër rruge”, tha kryebashkiaku, i cili u ankua edhe për mungesën e mbështetjes financiare nga ana e qevrisë.
Në fund të nëntorit, këshilltarët votuan në mënyrë unanime projektvendimin në të cilin propozohej shpallja “Qytetar Nderi” të Presidentit amerikan Donald Trump, me motivacion: “Si një model revolucionar i rendit të ri demokratik, një ekspert ekonomik, një negociator në politikat e jashtme, një komunikues mendjemprehtë popullor dhe një udhëheqës i kohëve moderne”./tesheshi.com/
