I ndodhur në Londër, kreu i Rendit Fatmir Xhafaj, i përfshirë nga ethet e vetingut të shpallur në radhët e uniformave blu, ka shfaqur impresionet tij nga policia e atjeshme. Me dëshirën për t’i patur britanikët model reference, Xhafaj ka shkruar në Twitter:
“Në Londër, në vendin e një prej Policive më të mira në botë. Një ditë intensive në Metropolitan Police në New Scotland Yard dhe Agjencinë Kombëtare të Krimit. Modeli për ne – përvoja e shkëlqyer britanike në procesin e Vetting-ut të Policisë. Premtim për mbështetje konkrete për operacionin #ForcaELigjit. Bashkëpunim për operacione dypalëshe”, shprehet Xhafaj.
Njeriu të cilit Rama i besoi vetingun në drejtësi gjatë mandatit të parë, nën cilësinë e kreut të komisionit të Ligjeve, ka shpallur nisjen e vetingut në Polici, e po ashtu ka lajmëruar nisjen e një vetingu edhe në radhët e politikanëve, siç sqaroi, atyre që në vite u është besuar vendimarrje. Pra pushtet.
Me gjuhën e popullit, “kjo është se ç’është”, gjithnjë nëse do ishte. /tesheshi.com/
