Me në krah kreun e ri të Policisë së Shtetit, Ardi Veliu, ministri i Rendit Fatmir Xhafaj ishte “tek dera” e Habilajve, në Policinë e Vlorës, ku shprehu pakënaqësinë e tij mbi efektivitetin e strukturave të atyshme ndaj krimit.
“Konstatojmë me keqardhje se disa ngjarje kriminale në Vlorë kanë mbetur ende pa autor. Kjo është shqetësuese. Nuk jemi të kënaqur me punen e drejtorisë vendore në Vlorë. Besoj se drejtori i Përgjithshëm do të marrë masat e duhura. Në Vlorë ka disa ngjarje kriminale dhe vrasje të pazbuluara çka nuk ndodh ne qarqet e tjera, ka thënë Xhafaj.
I ndodhur në analizën e punës së Drejtorive Vendore të Policisë Vlorë dhe Fier, kreu i Rendit ndodhej në qytetin problematik një ditë pasi aty ishte dhe kryeprokurorja e përkohshme Arta Marku. Xhafaj paralajmëroi tërmet në policinë e qytetin bregdetar, ku krimi godet në mënyrë të vazhdueshme.
“Do të ketë një organizim të ri dhe të mirëpërcaktuar të policisë. Kemi hyrë në një fazë tjetër, atë të goditjes së grupeve të strukturuara kriminale”, theksoi Xhafaj. /tesheshi.com/
