Ministrja e Jashtme Olta Xhaçka u sot me homologun e saj turk, Mevlut Çavushoglu, ku theksoi se ka vlerësuar rritjen e investimeve turke në vendin tonë, por që sipas saj, ajo ende nuk pasqyron potencialin e madh mes dy vendeve. “Aktualisht kemi arritur nivelin e 800 milionë dollarëve në vëllimin tregtar, që është shifër goxha
domethënëse, por që e dimë se nuk pasqyron realisht potencialin që ekziston mes vendeve tona. Megjithatë, ne e shikojmë të ardhmen me optimizëm, të inkurajuar nga projektet të reja te investimeve, që tashmë janë duke u zhvilluar në sektorët e infrastrukturës dhe energjisë”, tha ministrja në deklaratën e përbashkët për shtyp, ku gjithashtu shprehu mirënjohjen ndaj Turqisë që i është gjendur pranë Shqipërisë në krizat e viteve të fundit.
Ajo tregoi dhe psenë e takimit të saj me Çavushoglu, që i paraprin takimit të radhës Rama-Erdogan, i cili do ketë në fokus partneritetin strategjik mes dy vendeve.
“Takimi ynë i sotëm vjen edhe në kuadër të Grupit për Dialog Politik dhe shënon nisjen zyrtare të tij, siç parashikohet në deklaratën për partneritetin strategjik. Në takimin tonë u ndalëm në përgatitjet për takimin e ardhshëm të Nivelit të Lartë të Këshillit të Bashkëpunimit, i cili do të drejtohet nga presidenti Erdoğan dhe kryeministri Rama”, tha Xhaçka. /tesheshi.com/
