Kompania Meta Platforms do të fillojë të pushojë punonjësit duke filluar nga e mërkura, njoftoi CEO Mark Zuckerberg para qindra drejtuesve, raporton Wall Street Journal (WSJ).
Sipas gazetës Njukorkeze, mijëra punonjës pritet të pushohen nga puna, që do të jetë pushimi më i madh në sektorin e teknologjisë këtë vit, raporton Reuters.
Gazeta shton, duke cituar burime, se Zuckerberg u shfaq i dëshpëruar në takim dhe tha se ishte përgjegjës për hapat e gabuar të kompanisë.
Ai deklaroi se optimizmi i tij për rritjen kishte çuar në mbistaf.
Kompania ka më shumë se 87,000 punonjës
Lori Goler, menaxhere e burimeve njerëzore të Meta-s, tha se punonjësit që humbasin punën do të pajisen me të paktën katër muaj pagesa të largimit.
Sipas të dhënave të Meta-s, kompania kishte mbi 87 mijë punonjës në fund të shtatorit.
Zhvillimet e fundit vijnë pasi Twitter pushoi gjysmën e fuqisë së tij punëtore nëpër ekipe – nga komunikimi dhe kurimi i përmbajtjes deri te zhvillimi dhe inxhinieria e produkteve – pasi Elon Musk bleu kompaninë për 44 miliardë dollarë.
Bloomberg raportoi të dielën se Twitter kishte kontaktuar me dhjetëra punonjës që humbën punën, duke u kërkuar atyre të ktheheshin. /tesheshi.com/
