Redaktori i WikiLeaks, Kristinn Hrafnsson tha se rasti i ekstradimit të Julian Assange në Shtetet e Bashkuara ishte “një proces jashtëzakonisht politik,” duke paraqitur “një rrezik të madh për të ardhmen e gazetarisë.
Në një konferencë të organizuar nga organizata e lajmeve FPA, ai tha se themeluesi i WikiLeaks ishte një “i burgosur politik”.
“Kjo është një çështje jashtëzakonisht politike. Ishte gjithashtu një çështje politike në vitin 2010, kur qeveria amerikane dëshironte të rrëzonte WikiLeaks. Ishte gjithashtu një proces politik kur njerëzit kërkuan vrasjen e Assange”, tha Hrafnsson.
Ai shtoi se pretendimet e tij për një gjykim të montuar politikisht kundër Assange u konfirmuan edhe nga ish-kreu i Agjencisë Qendrore të Inteligjencës Amerikane (CIA) dhe Sekretari i Shtetit Mike Pompeo duke akuzuar WikiLeaks për “inteligjencën jo-qeveritare të armikut”.
Ndërkohë, Zv/Presidenti Mike Pence gjithashtu shkoi dy herë në Ekuador dhe u ofroi 10 miliardë dollarë borxh drejtuesve të vendit për një marrëveshje që do të lejonte ekstradimin e Assange në Shtetet e Bashkuara.
“Unë vazhdoj të them se Assange është një i burgosur politik,” tha Hrafnsson, duke shtuar se ai nuk do të interesohej nëse ishte një çështje gjyqësore klasike, por se ishte një proces politik që synonte edhe të ardhmen e gazetarisë, jo vetëm të Assange, i cili mund të dënohej me 175 vjet burg nëse ekstradohej.
Hrafnsson arriti në përfundimin se gjyqi kundër Assange ishte sulmi më i madh ndaj gazetarisë në botë.
Ai tha se ekstradimi i Assange në Shtetet e Bashkuara mund të nesër mund të lejojë që çdo gazetar të ekstradohet në vendet, drejtuesit e të cilëve nuk u pëlqen raportimi dhe shkrimi i tij.
Anëtarët e parlamentit australian, Andrew Wilki dhe George Christensen paralajmëruan gjithashtu që ekstradimi i Assange në SHBA do të ishte një precedent shumë i rrezikshëm.
“Unë jam një admirues i Presidentit amerikan Donald Trump dhe kryeministrit britanik Boris Johnson, por për mua më e rëndësishme është liria e mendimit dhe e fjalës sesa ata të dy,” tha Christensen.
Seanca dëgjimore për ekstradimin e Assange në një gjykatë britanike është vendosur të fillojë javën tjetër, dhe është një nga çështjet më të mëdha në llojin e tij në Mbretërinë e Bashkuar.
Shtetet e Bashkuara, ndër të tjera, akuzojnë Assange për shkeljen e ligjit të spiunazhit të vitit 1917.
Nëse gjykata britanike pranon kërkesën e SHBA për ekstradimin e Assange, çështja mund të transferohet në një gjykatë më të lartë dhe më pas në Gjykatën Evropiane të të Drejtave të Njeriut.
Ekspertët besojnë se çështja e ekstradimit të Assange mund të zgjasë dy vjet.
WikiLeaks, nga të cilat Assange ishte themeluesi, lëshoi dokumente sekrete në vitin 2010 në lidhje me ato që bëri SHBA në Irak dhe Afganistan. /tesheshi.com/
