Sulmuesi i Mançester Junajtedit ka pohuar sot se aktivizimit të tij me përfaqësuesen e Anglisë po i vjen fundi, e se ai ka vendosur të tërhiqet dy vite më pas.
Deklarata e tij vjen thuajse menjëherë pasi trajneri i ri i Anglisë, Sam Allardyce, njoftoi se Rooney do të vazhdonte të ishte kapiteni i Anglisë.
“Rusia do të jetë mundësia ime e fundit për të bërë diçka me Anglinë,” ka thënë Rooney.
“Janë akoma dy vite. Nisa të luaja futboll profesionist kur isha 16 vjeç, e të luaja në takime ndërkombëtare në moshën 17-vjeçare. Pesëmbëdhjetë vite janë shumë. Kam patur një karrierë fantastike ndërkombëtare deri tani.
Rooney ka luajtur në 115 takime me Anglinë, ku ka shënuar 53 gola. Ai shpesh është kritikuar për paraqitjet e tij në vitet e fundit, dhe nuk kanë munguar thirrjet për t’u dorëhequr. /tesheshi.com/
