Lëvizja Vetëvendosje në Pejë ka deklaruar se ka pasur parregullsi në qendrën e votimit në fshatin Vitomiricë në Pejë.
Taulant Kelmendi, shef i shtabit zgjedhor të LVV-së në Pejë ka bërë të ditur se për rastin në fjalë është njoftuar policia dhe prokurori, i cili ka qenë në vendin e ngjarjes.
Rastin në fjalë është konfirmuar edhe nga Veton Mujaj, drejtori i OJQ “Syri i Vizionit”, e cila në kudër të Demokracisë në Veprim monitoron zgjedhjet në komunat e Rrafshit të Dukagjinit.
Por Naim Sahiti, shef i shtabit zgjedhor të AAK-së në Pejë e ka mohuar të ketë ndodhur një rast i tillë.
“Nuk qëndron aspak. Asnjë ndikim mbi votues nuk ka pasur. Një votues yni ka hyrë të voton me shenjë të partisë ngase e ka harruar të ngjitur dhe ka pas reagim të komisionerit të LVV. Për këtë edhe policia ka qenë në vend të ngjarjes. Kjo ka qenë krejt ngjarja”, deklaroi Sahiti. /tesheshi.com/
