Presidenti serb Aleksandar Vuçiç u tha edhe një herë boshnjakëve në Serbi se ky është vendi i tyre dhe se ata duhet të ndihen rehat. Ai shtoi se ishte i bindur se do të merren masat e duhura ndaj policëve nga Priboj, të cilët kënduan një këngë shoviniste për Srebrenicën.
I takon policisë që të ndërmarrë veprimet e duhura, tha presidenti serb, transmeton N1.
“Askush nuk mund të mendojë se është e mirë dhe e zgjuar të ofendosh ose kërcënosh anëtarët e kombeve të tjera duke u kujtuar atyre vrasjen e të pafajshmëve. Thjesht nuk ka asnjë njeri që mund ta justifikojë këtë,” tha Vuçiç.
Sa i përket marrëdhënieve mes serbëve dhe boshnjakëve, Vuçiç theksoi se duhet kuptuar se “nuk mund të jetojmë pa njëri-tjetrin dhe nuk mund të mbijetojmë”…
“Urrejtja nga njëra anë provokon urrejtje edhe më të madhe nga ana tjetër. Nuk bëri mirë për këdo. I ftoj njerëzit të kujdesen për fqinjët boshnjakë, si dhe boshnjakët të kujdesen për serbët”, tha njeriu i parë i Serbisë.
Ai ka thënë se kur e ka vizituar së fundmi Sanxhakun ka dashur të vizitojë disa restorante lokale, sepse i pëlqen shumë bureku dhe qebapët.
Në fund, ai u tha boshnjakëve që të jenë paqësorë sepse shteti u garanton sigurinë, si dhe paralajmëroi sanksione për policët nga Priboj.
Reagimi i tij erdhi pas një videoje ku policë serbë në Sanxhak, gjatë një zijafeti, këndojnë këngë për Srebrenicën. /tesheshi.com/
