Shqiptarët e Preshevës drejt krijimit të “Zajednicës” së tyre, në mënyrë që të trajtohen si serbët e veriut të Kosovës; një formulë kjo e kërkuar nga Edi Rama gjatë vizitës së tij në Serbi, në vitin 2014.
Ndërkohë që në Kosovë, “Zajednica” quhet Asocacioni i Komunave Serbe, në Preshevë quhet Trupi Kordinues për Preshevëe, Bujanovc dhe Medvegjë dhe që përbën organin vendimarrës për Luginën.
Deri tani ky organ është drejtuar nga Zoran Stankoviç, një serb i emëruar nga Vuçiç, i cili është banor i Bujanocit.
Stankoviç, është takuar sot me kreun e komunës së Bujanocit, Shuajip Kamberi, dhe siç bën të ditur Presheva Jonë, ka deklaruar se së shpejti një shqiptar do të jetë në krye të Trupit Koordinues.
Dhe njeriu i dizenjuar për këtë post është natyrisht deputeti i vetëm shqiptar në Parlamentin e Serbisë, përkatësisht Riza Halimi, kryetari i Partisë për Aksion Demokratik.
Në ditët e fundit, të gjitha mediat serbe flasin për hyrjen në qeveri për herë të parë e shqiptarëve të Preshevës, ku përveç emërimit në Trupin Koordinues pritet të përfaqësohen edhe me një ministër.
Emërimi i një shqiptari në Trupin Koordinues për Luginën e Preshevës, e kthen totalisht përfaqësimin, si qëndror ashtu edhe lokal, në shqiptar.
Por tashmë problem ka gjasa që të jenë shqiptarët vetë pasi ka një numër të madh partish dhe mjaft përçarje. Megjithatë duhet thënë se Partia e Riza Halimit është në koalicion me forcën politike të kryetarit të komunës së Preshevës, Shqipërim Arifi, si një përfaqësues i gjeneratës së re politikë dhe që sjell shpresën e një mënyre të re qeverisjeje.
Trupi Koordinues do të emërojë shefat e policisë, drejtuesit e Arsimit dhe Shëndetësisë, ndërkohë një pjesë e mirë e kompetencave u ka kaluar administratave komunale.
Edhe çështja e teksteve, për të cilën situata është majisur dhe shqiptarët nuk kanë mundësi të marrin librat shqip, do të jetë në dorën e Riza Halimit, sot dhe më pas kush do të jetë si pjesë e këtij koalicioni.
Ndërkaq, para pak ditëve, ka qenë vetë kryeministri serb Aleksandër Vuçiq që ka premtuar dhënien e Trupit Koordinues për shqiptarët.
Gjatë konsultimeve për të formuar qeverinë e re, Vuçiç u tha gazetarëve se shqiptarët nga Serbia jugore do ta drejtojnë Trupin Koordinues.
“Me Partine për Veprim Demokratik u ra dakord që të zbatohet në iniciativën e tyre për të drejtuar Trupin Koordinues të qeverisë për Preshevë, Bujanoc dhe Medvegjë nga shqiptarët në jug të Serbisë.”, theksoi Vuçiq.
Duke folur për boshnjakët dhe shqiptarët, Vuçiç ju kërkoi atyre që të “respektojnë shtetin e Serbisë, duke theksuar se marrëdhëniet e mira me serbët, shqiptarët dhe boshnjakët janë shumë të rëndësishme.” /tesheshi.com/
