Kryeministri i Serbisë, Aleksandër Vuçiç ka vendosur të mos pranojë ftesën e Kryeministrit të Shqipërisë, Edi Rama, për të parë bashkë ndeshjen historike që dot luhet pasditen e sotme në ‘Elbasan Arena”.
E përditshmja serbe “Blic” shkruan se Kryeministri serb, nëpërmjet një letre publike bën me dije se ‘në përputhje me rrethanat dhe për shkak të politizimit të jashtëzakonshëm të një ngjarje sportive, pas disa bisedave telefonike me kryeministrin Rama, kam vendosur të mos udhëtojë në Elbasan’.
Në letrën e botuar në ‘Blic”, Vuçiç vlerëson se shkëmbimi kulturor mes studentëve më të mirë të të dy vendeve dhe një mesazh të rëndësishëm jo vetëm për dy popujt, por për të gjithë botën, duke treguar seriozitet dhe përgjegjshmëri për të ardhmen e rajonit dhe marrëdhëniet Shqipëri-Serbi.
Letra e plotë e Vuçiç
Serbia dhe Shqipëria gjatë vitit të kaluar kanë punuar në një frymë të mirëkuptimit reciprok dhe për krijimin e kontakteve të rregullta që kontribuojnë për një bashkëpunim më të mirë politik dhe ekonomik mes dy vendeve, pas dekadash heshtjeje dhe armiqësi ngrirë. Ne kemi filluar të flasim për projekte të mëdha dhe të rëndësishme, të tilla si ndërtimi i autostradës Nish-Durrës dhe Beograd-Podgoricë-Tiranë-Shkodër. Unë e di mirë se është shumë e lehtë për të ngritur tensionet, sepse është gjithmonë e lehtë rruga e rezistencës sesa e perceptimit racional të së ardhmes.
Megjithatë, unë besoj shkëmbimi kulturor mes studentëve më të mirë të të dy vendeve dhe një mesazh të rëndësishëm jo vetëm për dy popujt, por për të gjithë botën, duke treguar seriozitet dhe përgjegjshmëri për të ardhmen e rajonit dhe marrëdhëniet Shqipëri-Serbi.
Në përputhje me rrethanat, dhe për shkak të politizimit të jashtëzakonshëm të një ngjarje sportive, pas disa bisedave telefonike me kryeministrin Rama, kam vendosur të mos udhëtojë në Elbasan, por të lë që aktorët kryesorë të kësaj ngjarje të jenë futbollistët.
Si Kryeministër i Republikës së Serbisë dënoj fuqishëm sulmin e huliganëve nga tifozët shqiptarë për lojtarët tanë dhe bëj thirrje autoriteteve shqiptare, të cilët janë të pranishëm në këtë ngjarje sportive, të sigurojnë zhvillimin e qetë të ndeshjes.
Lojtarët tanë duan sukses dhe fitore, por, mbi të gjitha, ju ftoj të luftoni për stemën dhe flamurin e Serbisë, dhe unë do të thoja, pa marrë parasysh nëse do të fitoni apo do të humbni, të gjithë presim dhe ju urojmë fitore të tjera në të ardhmen/tesheshi.com/
