Jo vetëm që Beogradi nuk shikon “dylbi ushtarake” drejt Tiranës dhe Prishtinës, por dëshiron bisedime dhe një marrëveshje, tha të hënën Presidenti serb Aleksandar Vuçiç, në një reagim kundër kryeministrit të pritshëm të Kosovës, Albin Kurti.
Ky i fundit, në një intervistë për The Guardian, tha se Serbia sheh Kosovën dhe Shqipërinë me “dylbi ushtarake”, dhe se marrëveshja me Serbinë nuk ishte përparësi, e më tej se Serbia duhet të përballet me të kaluarën e saj..
“Kurti lidhet shumë me Rada Trajkoviçin shumë, kështu do donte të organizonte skenën politike në Beograd”, u tha Vuçiç gazetarëve.
Presidenti serb thotë se dëshira obsesive e shumë politikanëve shqiptarë është që të mos e shohin atë në pushtet, dhe kujtoi se Kurti tha në vitin 2016 se Vuçiçi ishte rreziku më i madh për një Kosovë të pavarur.
Duke iu referuar deklaratës së Kurtit tha taksat e importit 100 për qind për mallrat nga Serbia në Kosovë nuk do të shfuqizoheshin derisa Serbia të lejonte eksportin e lirë të mallrave të tyre, Vuçiç tha se ai nuk e di se çfarë donin në të vërtetë autoritetet në Kosovë.
“Ju keni një marrëveshje si ajo e CEFTA-s, ju keni eksporte plotësisht të lira nga këndvështrimi juaj. Nga këndvështrimi ynë është një tregti me Serbinë qendrore, por prapë … Unë nuk e di se çfarë kuptojnë dhe çfarë duan”, tha Vuçiç.
“Ky cirk rreth formimit të qeverisë së tyre do të zgjasë shumë më shumë sesa ata njoftuan në fillim”, tha Vuçiç. /tesheshi.com/
