Vetëm pak muaj pasi kryeministri serb, Aleksandër Vuçiç, u sulmua me gurë dhe shishe uji në një ceremoni përkujtimore në Srebrenicë, ai do të jetë sot sërish atje, në kuadër të një konference dyditore ekonomike.
Vuçiç do të merrte pjesë më 11 korrik në përkujtimin e 20-vjetorit të masakrës së Srebrenicës, por pjesëmarrja e tij do të ngjallte zemërimin e shumë boshnjakëve, që më pas do t’i turreshin atij me fjalë, gurë e gjithçka tjetër.
Gjatë konferencës në Srebrenicë do të jenë në qendër të vëmendjes projektet infrastrukturore, ndërsa Serbia është treguar e gatshme të ndihmojë në vënien në jetë të tyre. Ditë më parë ka patur dhe një mbledhje të përbashkët të dy qeverive, të asaj boshnjake dhe serbe.
Aleksandër Vuçiç do të bënte thirrje gjatë qëndrimit në Sarajevë për përmirësim të marrëdhënieve mes dy vendeve, mes serbëve dhe muslimanëve, duke e parë këtë si me rëndësi të jashtëzakonshme për stabilitetin në Ballkan.
Forcat serbo-boshnjake do të vrisnin 8.000 meshkuj muslimanë në Srebrenicë në korrikun e vitit 1995. Krahasuar me 37.000 banorët para konfliktit të përgjakshëm, sot në Srebrenicë e çojnë jetën vetëm 7.000 banorë. /tesheshi.com/
