Presidenti serb Aleksandar Vuçiç ka njoftuar se tërheqjet e reja të njohjes së Kosovës priten në ditët e ardhshme.
Vuçiç tha në Uashington se Serbia do të pezullojë veprimet diplomatike për të tërhequr njohjen e Kosovës, “nëse dhe shqiptarët të ndalojnë të kërkojnë që Serbia të njohë Kosovën e vetëshpallur”.
“Por ata kurrë nuk donin ta pranonin këtë”, tha Vuçiç.
Ai përsëriti se Serbia është e gatshme për bisedime nëse Prishtina heq taksën dhe theksoi se SHBA nuk kërkuan ndonjë lëshim nga Serbia në këmbim të heqjes.
“Nëse ata heqin taksënm mund të flasim për dialog të mëtejshëm, ose në çfarë formati dialogu do të vazhdohet dhe në cilat tema,” tha Vuçiç, duke shtuar se në këtë moment bisedimet midis Beogradit dhe Prishtinës mund të zhvillohen vetëm për çështje që nuk janë thelbësore. /tesheshi.com/
